Mafanikio Katika Maisha ni Mradi wa "Fanya Mwenyewe"

Ukitaka kujua kama umeanza mradi wa maisha unaoitwa “Fanya mwenyewe” sikiliza watu wanasema nini kuhusu wewe, ukiona husemwi basi huenda bado ujaanza mradi huu wa “Fanya mwenyewe”  ambao unalipa sana, na yawezekana maisha yako ya mwaka jana na ya mwaka huu yako sawa, ila tatizo kubwa linakuja kutushinda ni katika kuwasikiliza watu, watu wengi tunapenda kusikiliza sauti za kusifiwa tu basi, hii inatufanya kupenda kufanya vitu rahisi rahisi, wanavyopenda watu wengine na sio tunavyopenda sisi, matokeo yake tumebakia kuwa na maisha magumu na yakawaida wanayofurahia wengine maana tuwe sawa sote tubaki kulalamikia serikali na mishahara midogo.

Unapoamua kuanza kutafuta mafanikio yako binafsi wakati mwingine unaweza kufanya vitu vigumu, ambavyo wengine wanaona haviwezekani na huenda wengine walishafanya wakashindwa, na huenda watu wengi hawapendi kufanya vitu hivyo maana vinahitaji kujitoa kwa hali ya juu na kuwa makini, kinachotokea hapa wanakuja kukukatisha tamaa, wanaanza kukupa maneno yao, hiyo huwezi, hiyo ngumu hata fulani alifanya akashindwa, yani na wewe msomi mzima unafuga kuku. Chakushangaza watakupa tu mifano ya wote walioshindwa na kwakuwa wao ufikiria mambo hasi tu hata listi na rekodi ya waliofanikiwa hawana.

Muda mwingine unaweza kujiona kama umekosea kufanya unachokifanya maana huenda kikawa kinaleta mafanikio baada ya muda mrefu lakiniwewe usijali maisha ni kutembea hatua moja moja mbele bila kurudi nyuma, kwa maana kwamba wewe unatakiwa uwaache waseme maana hawajui kilichoko moyoni mwako siku moja watakuita shujaa pale tu kilichoko moyoni na akilini mwako kitakapoonekana machoni mwao.

Wewe kama mtu ambaye umekwisha kujitambua unatakiwa kushika usukani wa maisha yako mwenyewe na kuwaacha waseme, kwani watakuwa wanapoteza muda wao bure, waache waseme kuwa wewe unapoteza pesa unazotoa kujifunza na kusoma vitabu, waache waseme umeanza kuishiwa, waache waseme unafanya biashara ni ngumu na utafirisika na kupoteza muda, hata kama kweli unapitia changamoto leo maisha ni mdogo mdogo hizo changamoto huwa siyo za kudumu, maana ni za muda mfupi. Kumbuka kuwa ka kupambana na changamoto, zinakufanya uwe shujaa, usiache kwasababu wanasema,acha waseme na ukweli halisi wa mambo yote unao moyoni mwako na wewe ndio unajua machungu ya ndoto zako.

Kwa hiyo hakikisha unafanya kazi kwa bidii na maarifa utafanikiwa tu, cha msingi ni kupenda kufanya unachofanya na ikiwa utajiingiza Katika mchakato eti wa kutafuta kazi inayokufaa itakuchukua muda.

Mpendwa msomaji, endelea kuitumia vizuri MAARIFASHOP ili kujifunza mambo mbalimbali yatakayokuwezesha kupata mafanikio. Ili kupata makala mpya kila zinapochapishwa, bonyeza neno TUMA MAKALA MAARIFASHOP kisha sajiri barua pepe yako. Na kama unapenda kupata mafunzo ya kila siku kwa njia ya whatsap bonyeza neno MAFUNZO. 

~TWENDE KAZI PAMOJA~